Gordailua

Gipuzkoako kultura ondare higigarriaren zentroa.

Erabilera: Industriala/kulturala.

Kokapena: Auzolan kalea 4. Irún.

Azalera: 9.100 m²

Sustatzailea: Gipuzkoako Foru Aldundia.

Ideia-lehiaketa batean lehen saria lortzearen ondoriozko enkargua.

Metalezko kaiola baten antzeko egitura handi batek eraikina biltzen du, kutxa gotorra balitz bezala. Gipuzkoako altxorren kutxa, museoetan erakusgai ez dauden pieza arkeologiko, etnografiko eta artistikoak.

Fatxadek, beheko zokaloan in situ hormigoia eta goiko aldean panel aurrefabrikatu ildaxkatua dute. Hutsune bakarrak bulegoetako aldean eta sarrerako atrioan, bisitariak hartzen dituen kanpoko patioan, daude. Emaitzak biribiltasun eta plastikotasun handia du.

Eraikina iraunkortasun eredu da; izan ere, ordezko energiak (geotermia, panel fotovoltaikoak) erabiltzen ditu eta maila goreneko (A maila) eraginkortasun energetikoa du.