Expo Milán

Erabilera: Kultur equipamendua.

Kokapena: Expo Milano 2015 esparru.

Milán (Italia).

Azalera: 33.000 m²

Sustatzailea: Eragin Kulturaleko Estatuko Gizartea.

Kultur Ekintzako Espainiako Sozietateak sustatutako ideia-lehiaketara aurkeztutako proposamena. Diziplina anitzeko lantalde batek egin zuen, honako hauek parte hartuta: Borja Llop, Iñigo Peñalba eta Aritz Díez Oronoz arkitektoak; Milango Hiri Atelierra (Simona Pierini); Javier Machimbarrena diseinatzailea; TGA (diseinu grafikoa) eta K6 (kudeaketa kulturala) lantaldeak. Alvaro Martínez-Novillo zen proiektuaren zuzendaria.

Soiltasuna eta malgutasuna. Irtenbide iragankorra, modularra, proposatu zuten, irudi soil eta neurritsukoa, pabiloirako proposatutako planteamendu eta erabilera-programari eta erakustazokaren goiburuari («Planeta elikatu. Bizitzarako energia»), erantzun nahian, 2008ko krisiaren ondoren.

Bi solairuko eraikin batek, L formakoak, hartzen zuen lurzati osoa, eta bi bolumen hauek bereizten ziren: bata, linealtasun argikoa, lurzatiko iparretik hegora zihoan, eta, bestea, harekiko perpendikularrean maklatzen zen haren hegoaldeko muturrean.

Hiru elementuk (kalea, patioa eta plaza) antolatzen eta lotzen zituzten multzoko ibilbideak eta zirkulazioak, barneko konposizio-sistema zehaztuta, zeinak barnealdearen eta kanpoaldearen; irekiaren eta itxiaren; publikoaren eta pribatuaren arteko erlazioak arautzen zuen.

Kaleak, norabide-elementua, ibilbide publikoen ardatz nagusia zehazten zuen. Patioek, kalea zabaltzen zen aldeetan –aire eta argirik gabe– erlazio eta topaketarako guneak proposatzen zituzten. Plazak, erdigunetzat hartuta, pabiloiko zirkulazio eta erabilerarik garrantzitsuenak bildu eta elkartzen zituen bere inguruan.

Zura (egitura, itxiturak eta akaberak) eta olanak/ehunak erabili ziren, eraikuntza-sistema modular baten bitartez (3 x 3 x 3 m-ko sare estrukturaleko geometriakoak), eta, horri esker, aurrez fabrikatu ahal ziren elementu guztiak, eta pabiloia erraz garraiatu, muntatu eta desmuntatu ahal zen.

Pabiloia, erakustazoka amaitutakoan, Etiopia Utopia GKEarentzat eta «Zaporeak» izeneko haren proiektu solidariorako (Nekazaritzako Elikagaien Eskola Wukron –Etiopia–) izatea proposatu zen.